O pasado escravista da Coruña

Dentro da colaboración coa asociación Alexandre Bóveda, correspondente ao ciclo «Revisar os marcos»

O martes 9 de xullo, celebrarase a conversa «O pasado escravista da Coruña». Ser dono dunha persoa negra era, para a aristocracia e alta burguesía local coruñesa, unha marca distintiva da súa preeminencia social. No mundo de hoxe non acostumamos lembrar que, hai só dous séculos, o feito de ter persoas sometidas dentro da casa ou da facenda era algo normal dentro do círculo dos potentados, normalmente vencellados ao comercio e á industria, áreas punteiras daquela Coruña á que se lle abriran as portas do comercio con América.